نزيف الانف وكيفية التعامل معه!

 

قريب شفت بوست على جروب مش طبي ..وواحد كان بيسأل ان ابنه عنده نزيف في الانف يعمل ايه ؟

وكان ٩٩٪؜ من الردود بتقوله رجع راسه لورا بسرعة! ..وده خطأ شائع جداً في التعامل مع نزيف الانف عند الشعب المصري ❗️❌❌

ليه بقى ..لإن امالة الرأس لورا ممكن تخليك متشوفش دم نازل من الانف لكن هي بتعمل تجمع للدم عند الحنجرة وبتخلي الدن ينزل للفم ومنها للجهاز الهضمي

طب ايه اللي المفروض يتعمل ✅✅:
-استقامة الرأس وانحناء بسيط جدا زي ماهو موضح في الصورة تحت
-الضغط على الانف باستمرار لمدة ٧ او ٨ دقائق مع التنفس من الفم ..والاستمرار في الضغط ضروري يعني ميبقاش ضغط متقطع
-استخدام تلج على الانف من بره لو متاح
-الذهاب لأقرب مستشفى او وحدة صحية لو استمر النزيف لأكتر من ربع ساعة مع الضغط على الانف

الاسباب المحتملة للنزيف المفاجئ للانف:
-استنشاق الهواء الجاف ومن اسباب الهواء الجاف الجلوس في مكان فيه دفايات
-بعض الادوية اللي فيها مضادات للهستامين ومضادات الاحتقان
-مشاكل الجيوب الانفية
-ارتفاع ضغط الدم

في اسباب تانية طبعاً بس دي الاسباب المنتشرة اللي ممكن تيجي لأي حد في اي وقت


666 views No Comments
1Awesome
Loading...

Tags
There's no Tags

Category | Uncategorized
Number of Posts by : 3
  • Medical Platform For Doctors and Medical Students which allows them Build their Medical Portfolios

    © All right Reversed.Dental Community Of The Genius Prof